”लग्नासाठी मुलगी पाहिजे पण आई…” ढोलवादकाने हटके स्टाइलमध्ये घातली लग्नाची मागणी, अट एकच; VIDEO तुफान व्हायरल

एका ढोल वादकाच्या व्हिडीओने सर्वांचे लक्ष वेधून घेतले आहे. सर्वच ढोल वादक उत्तम ढोल वादन करतात मग याने असे काय विशेष केले ज्यामुळे तो चर्चेत आला आहे असा प्रश्न तुम्हालाही पडला असेल?

१० दिवसांचा गणेशोत्सव सर्वत्र उत्साहात आणि आनंदात पार पडला. मुंबई पुण्यासह संपूर्ण महाराष्ट्रात ढोल ताशांच्या गजरात गणरायाच्या विसर्जनाची मिरवणूक काढण्यात आली. सोशल मीडियावर ढोल-ताशा वादनाचे अनेक व्हिडीओ व्हायरल होत आहे. दरम्यान एका ढोल वादकाच्या व्हिडीओने सर्वांचे लक्ष वेधून घेतले आहे. सर्वच ढोल वादक उत्तम वादन करतात मग या तरुणाने असे काय विशेष केले ज्यामुळे तो चर्चेत आला आहे असा प्रश्न तुम्हालाही पडला असेल? होय ना. चला तर मग जाणून घेऊ या

व्हायरल व्हिडीओमध्ये काही तरुण उत्साहात जल्लोषात ढोलवादन करताना दिसत आहे. त्यांच्या उत्तम ढोलवादनामुळे नव्हे तर एका तरुणाच्या ढोलवर लावलेल्या सुचनेने सर्वांचे लक्ष वेधून घेतले आहे.

व्हिडीओमध्ये एका तरुणाने आपल्या ढोलवर चक्क लग्नासाठी मुलगी पाहिजे असे पोस्टल चिटकवले आहे. एवढंच नाही तर त्याने स्वत:चा फ्लॅट आहे आणि पगार ४५ हजार आहे असे लिहिले आहे. तरुणाने त्या खालोखाल एक महत्त्वाची सुचना देखील लिहिली आहे ज्यामुळे सर्वजण त्याचे कौतूक करत आहे. ”आई वडिलांना सोडून राहणार नाही अशी सुचनाही त्याने लिहिली आहे.