लहान मुलांच्या पालकांची चिंता वाढवणारी बातमी समोर आली आहे. आपली लहान मुले मोबाईलवर कोणते व्हिडीओ बघतात, काय करतात या कडे पालकांनी लक्ष देण्याची गरज निर्माण झाली आहे.
अकोला : इंटरनेटच्या काळात मुले लवकर मोठी होतं आहेत. सोशल मीडिया आणि इंटरनेटच्या काळात अल्पवयीन मुलांकडून भयंकर घटना घडत आहेत. या संदर्भातील अनेक बातम्या दिवसेंदिवस समोर येत आहेत. इंटरनेटला भुललेले लहान मुले एकमेकांकडे आकर्षित होऊन नाते निर्माण करण्याचे प्रयत्न करत आहेत. कुठं संमतीनं तर कुठं बळजबरी केल्याचीही घटना समोर येत आहेत. अशीच घटना महाराष्ट्र राज्यातील अकोल्यात उजेडात आली आहे. अकोला शहरातील खदान परिसरातून ही धक्कादायक बातमी समोर आली आहे. मोबाईलच्या आहारी जाऊन एका अकरा वर्षीच्या अल्पवयीन मुलानं ८ वर्षीय अल्पवयीन मुलावर लैंगिक अत्याचार केला आहे. तर दुसऱ्या घटनेत ६ वर्षीय अल्पवयीन मुलावर एका अल्पवयीन मुलानेच अनैसर्गिकपणे अत्याचार केला आहे. या अल्पवयीन मुलांनी वेगवेगळ्या ठिकाणी पीडित मुलांचं लैंगिक शोषण केलं आहे. अत्याचार करणाऱ्या दोन्ही अल्पवयीन मुलांना ताब्यात घेण्यात आलं आहे.
अकोला शहरातील खदान पोलीस स्टेशन हद्दीत येत असलेल्या खेतान नगर परिसरात एका आठ वर्षे मुलावर घराजवळचं राहणाऱ्या अकरा वर्षीय अल्पवयीन मुलांनं अनैसर्गिकपणे अत्याचार केला. हा प्रकार गेल्या दोन दिवसांपूर्वी उजेडात आला होता. पीडित मुलाचा जबाव नोंदवून तपास करून या प्रकरणात काल बुधवारच्या (१६ ऑगस्ट) रात्री उशिरा गुन्हे दाखल करण्यात आले. खदान पोलीसांनी दिलेल्या माहितीनुसार, ८ वर्षीय अल्पवयीन मुलगा हा गेल्या काही दिवसांपासून तणावात होता. तसेच घरी एकांतात राहायचा त्याने घराबाहेर पडणेही बंद केले होते. तसेच त्याला चालतानादेखील त्रास व्हायचा. या संदर्भात त्याच्या कुटुंबियांनी त्याला विचारणा केली असता, त्याने त्याच्यासोबत घडलेला सर्व प्रकार घरच्यांना सांगितला.
हा प्रकार ऐकल्यानंतर कुटुंबीयांना धक्काच बसला. लागचीच कुटुंबियांनी पोलीस ठाणे गाठले अन् आपली तक्रार नोंदवली. पीडित मुलाच्या नातेवाईकांनी तक्रारीत म्हटले आहे की, घराजवळच राहणार्‍या अकरा वर्ष अल्पवयीन मुलाने पीडित मुलाला सोशल मीडियावरील अश्लील व्हिडिओ दाखवून त्याच्यावर अनैसर्गिकपणे अत्याचार केला आहे. गेल्या एक महिन्यापासून त्याच्यावर अनैसर्गिकपणे अत्याचार सुरू होता. त्रास असह्य झाल्यानं अखेर या प्रकरणाचे बिंग फुटलं आणि संपूर्ण प्रकरण पोलीस ठाण्यापर्यंत पोहचलं. सूत्रांनी दिलेल्या माहितीनुसार अत्याचार करणाऱ्या अल्पवयीन मुलाचा मोठा भाऊ हा तक्रारदारावर दबाव आणत होता, पीडित मुलाच्या वडिलांना जिवे मारण्याची धमकी दिली होती.
दुसऱ्या घटनेत पोलिसांनी सांगितले आहे की खदान पोलीस स्टेशन हद्दीतच एका सहा वर्ष वयाच्या अल्पवयीन मुलावर सोळा वर्षीय अल्पवयीन मुलानेच अत्याचार केल्याचा प्रकार समोर आला. सद्यस्थितीत या दोन्ही प्रकरणात विविध कलमान्वये गुन्हे दाखल करण्यात आले असून दोघांनाही ताब्यात घेण्यात आले आहे.
दरम्यान, आपली अल्पवयीन मुले स्मार्टफोनचा वापर करीत असतील, तर सावध व्हावं. कारण, ते भलत्याच वेबसाईट्सच्या आहारी तर गेले नाहीत ना.. याची खात्री करून पालकांनी करून घ्या. आपल्या मुलांच्या हातात मोबाईल द्यावा, पण आपल्यासमोर तो हातळावा अशी सक्ती पालकांनी करा, असे वरिष्ठ पोलिस आणि तज्ञांकडून मत व्यक्त केले जात आहे. कारण बालवयात चांगले संस्कार रूजविण्याच्या वेळात मुले इंटरनेटवर कोणत्या साईड्सच्या आहारी जाताहेत, हे आई-वडिलांनी पाहण्याची आवश्कता निर्माण झालीये.
0 Comments