Pune Kundmal Waterfall Accident : कुंडमळा धबधब्यावर फिरायला गेल्यावर बाळगलेली निष्काळजी जीवावर बेतली. पाण्यात वाहून गेलेल्या तरुणाचा शोध पोलीस घेत आहेत.
ओंकार गायकवाड असे वाहून गेलेल्या तरुणाचे नाव आहे. हा तरुण टाटा मोटर्स या कंपनीत कामाला असल्याची माहिती समोर आली आहे. या ठिकाणी त्याचे शेवटचे काढलेले व्हिडिओ देखील समोर आले आहेत.
पुणे जिल्ह्यात मावळ तालुक्यातील आंबी परिसरात ही घटना घडली आहे. कुंडमळा धबधब्यावर फिरायला गेल्यावर बाळगलेली निष्काळजी जीवावर बेतल्याची भीती वर्तवली जात आहे. वाहून गेलेल्या तरुणाचा शोध पोलीस घेत आहेत.
याबाबत अधिक माहिती अशी की, ओंकार गायकवाड हा त्याच्या मित्रांसोबत वर्षा विहारासाठी कुंडमाळ धबधबा येथे आला होता. सेल्फी काढण्यासाठी तो पाण्याच्या प्रवाहात उभा राहिला मात्र त्याचा पाय घसरला आणि तो वाहत्या पाण्यासोबत वाहून गेला. घटनेची माहिती मिळताच मावळ वन्यजीव रक्षक टीम, स्थानिक ग्रामस्थ आणि आंबी एमआयडीसी पोलिस घटनास्थळी दाखल झाले. पोलिसांकडून त्याचा शोध घेण्याचे काम सुरू आहे.
मावळ तालुक्यातील कुंडमाळ धबधबा हा पुण्यापासून साधारण ३० किमी अंतरावर आहे. मावळ तालुक्यातील प्रसिद्ध असलेले हे ठिकाण आहे. इथले सौंदर्य हे पर्यटकांसाठी आकर्षण ठरत आहे. अनेक तरुण तरुणी या ठिकाणी फिरण्यासाठी येत असतात.
इंद्रायणी नदीवर हा धबधबा तयार झाला असून पावसाळ्यात तो पर्यटकांना खुणावत असतो. हा तरुण वाहून गेल्याने त्याला शोधण्याचे काम पोलिस, स्थानिक नागरिक आणि रिस्क्यू टीमकडून सुरू आहे.
0 Comments