अंबरनाथ शहरातील बकाळ पाणी पुरावठ्याबाबत शिवसेना आक्रामक

शहरप्रमुख अरविंद वाळेकर यांची खासदार डॉ. श्रीकांत शिंदे साहेब यांच्या समवेत ठाणे येथील मजीप्रा कार्यालयाला भेट

       अंबरनाथ शहरात भेडसावत असलेल्या गंभीर पाणी समस्या बाबत ठाणे येथील महाराष्ट्र जीवन प्राधिकरण कार्यालय येथे गुरुवारी खासदार डॉ. श्रीकांत शिंदे व शिवसेना शहरप्रमुख अरविंद वाळेकर यांच्या नेतृत्वाखाली महाराष्ट्र जीवन प्राधिकरण ठाणेचे प्रभारी अधीक्षक अभियंता अरुण निरभवने, अंबरनाथचे कार्यकारी अभियंता बसनगर यांच्या समवेत शहरात चालू असलेला अनियमित व कमी दाबाने पाणीपुरवठा, दूषित पाणीपुरवठा, शहरातील होणारी पाणी गळती, नियोजनशून्य कारभार अश्या अनेक विषयांवर चर्चा झाली. शहरप्रमुख अरविंद वाळेकर यांनी शहरातील बकाळ पाणीपुरवठा व्यवस्था बाबतचा आढावा दिला. मागील आठवड्यामध्ये शिवसेने द्वारे शहरांमध्ये चक्काजाम मोर्चा करणार असल्याचे सांगितले असता मजीप्राने या भेटीचे नियोजन केले. 

       यावर खासदार शिंदे यांनी आठ दिवसांमध्ये होणाऱ्या पाणीपुरवठाच्या बाबींबद्दलच्या अनियमिततेबाबत सविस्तर माहिती मागवली आहे, तसेच येत्या काही दिवसांमध्ये पालकमंत्री एकनाथ शिंदे, पाणीपुरवठा मंत्री गुलाबराव पाटील यांच्या समवेत बैठक आयोजित करण्यात येणार असल्याचे ही त्यांनी सांगितले. 

           याप्रसंगी उपशहर प्रमुख संभाजी कळमकर, संदीप मांजरेकर, माजी नगरसेवक एड. निखिल वाळेकर, पद्माकर दिघे, विभाग प्रमुख प्रकाश डावरे, सचिन गुडेकर, मिलिंद गान, अनिल घोणे, बाळा गायकर, शाखाप्रमुख अरविंद मालुसरे, श्रीनिवास वाल्मिकी, चेतन चव्हाण, महिला आघाडीच्या रेखा जेठवा, हसीना शेख, लीना सावंत आदी उपस्थित होते.

उस्मान शाह, अंबरनाथ