उमरखेड येथील नैसर्गिक पर्यावरण संवर्धन व मानवता विकास संस्थेतर्फे दरवर्षीप्रमाणे पर्यावरणपूरक गणेशोत्सवासाठी गणेशभक्तांना "ना नफा ना तोटा" या तत्त्वावर लाल मातीची मूर्ती पारिजातक वृक्ष व कुंडीचे वितरण करण्यात आले. यावेळी उमरखेडचे ठाणेदार अमोल माळवे साहेब, आयबीएन लोकमत पुणे येथे कार्यरत पत्रकार तथा उमरखेड चे भूमिपुत्र वाकडेजी हे उपस्थित होते. संस्थेचे अमरावती विभागीय अध्यक्ष प्रभाकर दिघेवार यांनी उपक्रमाची भूमिका विषद केली. आपण स्थापन केलेल्या गणेशमूर्तीचे घरीच विसर्जन करून त्या मातीमध्ये ह्या पारीजातक वृक्षाचे रोपण करून त्याचे यशस्वीपणे संवर्धन करण्याचे आवाहन यावेळी संस्थेतर्फे करण्यात आले.
श्री व्यवहारे सर, श्री सुधाकर बिचेवार सर, डॉ. उगले साहेब ,डॉक्टर गॅनचंदानी साहेब , श्री बागडे सर, डॉ.हिंगमीरे साहेब, श्री आयचित सर, प्रा. अभय जोशी सर , डाॅ.बटेवार साहेब ईत्यादी अनेक गणेशभक्तांनी नैसर्गिक पर्यावरण संवर्धन व मानवता विकास संस्थेच्या या वृक्षरुपी पर्यावरण पूरक उपक्रमाचे मुक्तकंठाने कौतुक केले.
0 Comments