रात्रीचे शिळे अन्न खाऊ घातल्याने बेचाळीस विद्यार्थ्यांना विषबाधा

◆चाळीस विद्यार्थी स्थिर दोन दक्षता विभागात दाखल

◆तालुक्यातील हूडी बु.येथील घटनेने सर्वत्र खळबळ        

              

 प्रतिनिधी ज्ञानेश्वर मेटकर

पुसद:तालुक्यातील हूडी बु.येथील घटनेने सर्वत्र विद्यार्थी व पालकांमध्ये चिंचेचे वातावरण निर्माण झाले पुसद तालुक्यातील मल्हाराव होळकर प्रतिष्ठान नवीन पुसद व्दारा संचालीत गिरधारी महाराज आश्रम शाळा हुडी बु.येथे वस्तीगृहातील सकाळी ९:३० वाजताच्या दिलेल्या जेवणातून विद्यार्थ्यांना झाली विषबाधा सकाळी दहा चे जेवण आटोपल्या नंतर अचानक काही विद्यार्थ्यांना मळमळ, चक्कर,उलट्या झाल्या तेव्हा बघता ३० ते ४२ विद्यार्थी यांना श्वास घेण्यास त्रास होत असल्याने विषबाधेचा प्रकार समोर आला. माहूर तालुक्यातील इवळेश्वर,शिवूर यासह म्हैसमाळ,बेलोरा,वडद,हुडी या गावचे विद्यार्थी विषबाधेत समाविष्ट आहेत.

       त्यामुळे तात्काळ डॉ.प्रकाश राठोड यांचे विधिलिखित या खाजगी दवाखान्यांमध्ये तीस विद्यार्थी विद्यार्थिनी व लाईफ लाईन हाॅस्पीटल मध्ये दहा विद्यार्थी तर आयकॉन हॉस्पिटलमध्ये अतिदक्षता विभागात समृद्धी येणकर, विनायक ठाकरे या दोन  विध्यार्थ्यांना उपचारार्थ दाखल करण्यात आले. स्थानिक तीन वेगवेगळ्या खाजगी दवाखान्यामध्ये उपचाराकरिता दाखल करण्यात केले आहे.

     सदर विषबाधेत घटनेमुळे उर्वरित विद्यार्थ्यांना पालकांनी आप आपल्या घरी गावी घेऊन जात आहेत. शासकिय आश्रम शाळेतील भोजन नियमावली नुसार विद्यार्थ्यांना नियोजित पालन पोषण आहाराच्या ठराविक तक्त्याप्रमाणे जेवण दिले जात नाही नसल्याचे पालकांच्या प्रतिक्रियेतून समोर आल्याने एकच खळबळ उडाली.  विद्यार्थ्यांना मळमळ उलट्या व श्वास घेण्यास त्रास होत असल्याने विषबाधेचा प्रकार समोर आला असून तालुक्यातील शैक्षणिक क्षेत्रात खळबळ उडाली आहे.

      

◆विद्यार्थ्यांना सकाळच्या जेवणात स्वयंपाक कमी पडल्याने आम्हास रात्रीचे शिळे अन्न गरम करून जेवणात दिल्याने मळमळ, उलट्या होऊ लागल्याने 42 विद्यार्थ्यांना विषबाधा झाल्याचे तेथील विद्यार्थीनी कु.तनाया संजय कवडे इय्यता पाचवी हिने 3D news प्रतिनिधीसी बोलताना सांगितले.